Մի այգում մայրի էր աճում: Ամեն տարի այն ավելի ու ավելի էր մեծանում՝ դառնում ավելի վեհ ու գեղեցիկ: Նրա փարթամ սաղարթախիտ տերևները վեր էին խոյանում իրեն շրջապատող ծառերից և ստվեր նետում դրանց վրա: Սակայն որքան նա աճում էր ու վեր բարձրանում, այնքան ուժգնանում էր նրա մեջ անսահման գոռոզությունը: Արհամարհանքով նայելով շուրջը՝ մեկ օր նա հրամայում է. — Հեռացրեք աչքիցս այն խղճուկ պնդուկի ծառը: Եվ այն արագորեն արմատախիլ են անում և հեռացնում: